القرب حقيقى مش بالمسافات
ياما ناس بينا وبينهم مسافات لكن قريبين مننا واقرب لنا من نفسنا
وناس قريبين مننا وانفاسنا بتلمس انفاسهم لكن ابعد عننا بعد السما عن الارض
عبير معايا دايما وهى قريبه م
نى اوى لكن اليومين دول مش عارفه مالها ومالى كماناتصدمت لما لقيتها بتقولى انى مش حاسه بيها ومعرفش عنها حاجه
وبتقولى انى مش حاسه بنفسى ومابقتش عارفه انا بعمل ايه؟
ولما جيت سألتها ليه تبقولى كده انا عارفه انى ملغبطه ومش مظبوطه لكن انا متأكده انى مش زعلتها ومش عملت حاجه تخنقها
مالقيتش عندها رد يعنى جرحتنى بالكلمه بدون مبررات
ممكن تكون بتقول كده لان الكليه مش مديانا فرصه نتكلم لكن انا اتوجعت
والنهارده كانت غريبه وامبارح كمان مكنتش عارفه اتفاهم معاها خالص
وكاتنت عماله تغلط فيا عمال على بطال وانا بقول مادام مش مظبوطه هتحملها
بس تعبت اوى لما جت خلصت الشغل وجيت اكلمها واهزر معاها علشان تحكى وتخرج من المود وفى الاخر بقولها قبل تصبحى على خير
على فكره وحشتينى وعايزاكى ترجعيلى
اخدتها بتريقه وهزار
اتخنقت بالدموع وقلتلها كده رجعت هزرت وسألتنى مالك شكل الواد بتاع محل الهدوم هو اللى حسدنا على علاقتنا ببعض وكلام كتير حسيته من ورا قلبها
مكنش منى الا انى قلتلها ماتشغليش بالك وبدأت اتقنع حتى عليها
ولا مى اللى بكلمها مش بترد عليا
اانا مش عارفه اصحابى مالهم
انا عارفه انى بقيت مش بتحمل حد وممكن اكون بتعبهم معايا
بس هى دى الحقيقه
انى بقيت مش بتكلم وهاديه زياده عن اللزوم وهزارى قل وحتى مابقيتش عارفه اكون خفيفه الدم
بس هما مفروض يبعدوا عنى لانى مابقيتش متحمله
واذا كنت مش بغلط وزعلانين لانى بعيد يبقى يبعدوا هما عنى
ومش عايزه اصحاب
هناك 11 تعليقًا:
سلام عليكم
يا حبيبتي مش تزعلي لان زي ما انتي بتيجي عليكي اوقات بتبقي مش عارفه مالك و بتبقي مخنوقه حاسه انك وحده غريبه حتى عن نفسك بيجي عالناس نفس الوضع
حاله سترس السفر اللي عايشها انتي اكيد عايشاها كمان عبير و يمكن كمان عندها حاجه تانيه ضاغطه عليها عشان كده قالت اللي قالته
هي بتحبك زي ما بتحبيها و الازمات دي بتجي على اي اتنين انت بس استهدي بالله و حاولو تتكلمو و تفهمو من بعض
ربنا يفك ديقتكم يااارب
على فكره ياقمر انا مبسوطه جدا اني وصلت لعندك و قريت كل البوستات و عايزه اقولك اني بحبك في الله جدا
و مش عارفه ليه!
ياما ناس بينا وبينهم مسافات لكن قريبين مناواقرب لنا من نفسنا
جميله اوي الجمله دي يا بيبه وصح كمان
بس اكيد الجمله دي ليا ايوه ايوه انا عارفه متتكسفيش يابنتي هي ليا انتي كتبها عشان مخصوص ولا يهمك بالنسبه لاصحابك متقوليش علي نفسك كده ودي فتره وهتعدي والله وزي ما قلتلك حاولي تطلعي من المود ده بأي شكل
اقلكيش ياغريبه
قولي لا اله الا انت سبحانك اني كنت من الظالمين بس عن يقين ومن قلبك
وربنا هيفرج همك ان شاء الله
مبروك يا وزة
Meme
انا مبسوطه اكتر انك وصلتى هنا على فكره
لانى كنت عايزاكى توصلى
انا عارفه ولله انها بتحبنى لكن مش عارفه كان مالنا
عموما انا تانى يوم ماقدرتش اسكت ورحت مفتوحه فيها وماصدقت وهى استوعبتنى وسمعتنى للاخر وقالت انها مش قاصده حاجه وانا برضو اترميت فى حضنا وقعدت اعيط لحد ماهى عيطت :(
بنرجع لبعض ونقدرش نستغنى عن بعض بس :)
بس ايه ده انتى بجد قريتى كل الكلام اللى فى البلوج؟؟!!
بجد انا كمان مبسوطه اوى بوجودك وبحبك انا كمان فى الله جدا
ومش عارفه ليه! :)
سمكمك
طبعا ياقمر والله الجمله وصاحبه الجمله مايغلوش عليكى :)
والله ياسمكمك بقول كل الادعيه واذكار الصباح والمساء وكله بس الحمد لله على كل حال
منورانى ياقمر
حبيبة الروح
انا اسفه :(
حببتى تانى
الله يبارك فيكى ياقمر بس روحى باركى بعد ماتشوفى الحكايه
غلاسه بقى
ههههه اه و الله قريته كله تخيلي
بس حرام عليكي يا شيخه انا شوي و كان حيروح نظري يعني مافيش غير البمبى المسخسخ ده؟؟ههههههههههه طب كبري الخط شويه و سيبي البمبى مش مشكله
يلا سلام بقا
ياقمر
ياخبر مش عارفه اقولك ايه
تعرفى انى بعد كده مش هبقى زعلانه ابدا لان فى قلب جميل زيك بيحبنى كده :)
حاضر هحاول اغير الخط بس اصلى برتاح اوى لشكل المدونه بلون خطها كده
بعد الشر على نظرك ياقمر
بس قوليلى ايه رايك فى البلوج؟
وبدون مجامله
هههههههههههه يا حبيبتي لا مش نغيري اللون انا كنت بس بهزر معاكي
هو بس الخط صغير شويه بس مش مشكله برضو ابقا البس تلسكوب و لا يهمك هههههههه
رايي بقا في المدونه
بحب انا مدونات الفضفضه دي لاني بحس نفسي ببقا قريبه من صاحبها و بعيش معاه فرحه و حزنه خصوصا لو حد كده بحبه زي حضرتك يا باشمهندسه
مرسي جداانك وصلتيني لعندك
ياترى انبسطو النهارده؟ مستنياه تقريرك
يلا سلام
عارفه انى كتبت تقرير مفصل مخصوص علشانك
؟ :)
وحياه ربنا انا مكنتش هكتب اصلا لانى فكرت اكتب فى التانيه بس قلت لا هكتب هنا علشانك
اسفه ان الخط صغير
لما افوق شويه هحاول اظبط الاعدادات
انا مبسوطه بجد بوجودك
والله بجد
بس حتى لو فى هزار بلاش بشمهندسه دى الله يكرمك بحس انها شتيمه لما تيجى من حد بحبه :)
إرسال تعليق