جايه اكتب علشان حاسه انى عايزه اكتب
مع انى مش عارفه هكتب ايه بس اهو هكتب وخلاص
مش عارفه ليه مش رحت اكتب فى اجندتى
بس من يوم مااخدنى التعب منها فتره طويله وانا مش قادره ارجعلها
مع انى كنت محتاجالها اوى ايام ماكنت فى السرير ومش بتساعدنى صحتى على الكلام لكن كمان ايدى مكانتش قادره تمسكها
حاسه انى كنت خايفه اقولها اللى عايزة افضفض بيه
مع انها هى اللى بتتحملنى وهى اللى بقول فيها كل حاجه
هويت الكلام معاها
حاسه انى عايزه اقولها على حاجات كنت عايزه اعملها وماقدرتش
وحاجات كنت عايزاها تحصل ومش حصلت
وحاجات حصلت مكنتش عايزاها تحصل
وحاجات كاسره قلبى وتاعبانى
محتاجالها اجندتى بس خايفه اقرب منها
حاسه انى لو مسكتها هعيط وبس ومش هكتب ولا كلمه
محتاجه دلوقت حضن احس انه دافى
حضن بحبه مش احكيله اى حاجه
اترمى فيه وبس واعيط
واسرح جوه نفسى فى اللى بيظلمونى وفى ظلمى انا لنفسى
مش عارفه لحد امتى هفضل اقول تعبانه
بجد تعبانه
هناك تعليقان (2):
سلامتك ياقمر
حالتك بسيطه وحلها ايمان قوى بالله وثقه فى الله سبحانه وتعالى
وتوكل شديد على الله
والخروج من دوامه الشعور بالظلم
والتفائل والنظر للمستقبل
اما بالنسبه للحاله الصحيه فدى اعتبريها نعم من ربنا سبحانه وتعالى لانها بتخفف حسابنا
كمان ياستى جسمك بياخد مناعه من كل مشكله صحيه بتحصل له
اما بالنسبع للحضن فتاكد ان ربنا هيبعتلك الحضن الى تستهليه لانك طيبه وتستهلى حضن طيب وهتستمتعى بيه وتعيشى فى منتهى الامان معاه
البوست ده قلاقنى عليكى
تحياتى
الله يسلمك ياممكن
لا مش تقلق عليا لانى انا نفسى مش بقيت اقلق عليا
انا والله والحمد لله مؤمنه وراضيه وعلى فكره مابقيتش اهتم بظلم الناس اوى ولا بحاول افهمه لكن مشكلتى دلوقت ان تصرفاتى انا هى اللى بقت بتظلم نفسى يعنى انا السبب ومش عارفه اتصرف ازاى؟
ادعيلى ربنا يهديلى الاحوال
اما بخصوص الحضن والله مش قصدت حضن حبيب انا قصدت اى حضن احسه بيحبنى ويمكن كان فى بالى وقتها حد من صحابى الانتيم اللى بحبهم بجد
ادعيلى فى كل الاحوال
إرسال تعليق