حالة غريبه عايشاها
مش عارفه هى كويسه ولا وحشه؟
بس غالبا هى مش كويسه
حالتى هى "مش عارفه"
حالة فيها كل ردودى على اسئلتى اللى مش بتبطل لنفسى
اجابتها "مش عارفه"
وأى اسئله اتسئلها من اى حد برضو ردها "مش عارفه"
بقيت مش فاهمه نفسى
او بالاصح فاهمه نفسى بس مش عارفه اتعامل معاها
جربت اسأل نفسى عايزة ايه؟ الاقينى معرفش
طيب هتموتى من ايه؟ الاقينى معرفش
طيب بتعملى اللى بتعمليه ليه؟ الاقينى معرفش
طيب بتحبى ايه؟ الاقينى معرفش
طيب نفسك فى ايه؟ الاقينى معرفش
عايشه حاله ضياع مش عاديه
مش حاسه لا بحاجه تفرح ولا حاجه تزعل
الدنيا عندى لونها رمادى ومفيش الوان تانيه
حاسه انى اشبه الصوره اللى فوق دى
انا موجوده من بره بس انما من جوه فاضيه ومافياش حاجه
من شهرين لما بدأت 2009 اخدت عهد على نفسى مش اسيب نفسى للحزن فعلا صدقت لانى الاول كنت بسيب حاجات صغيره تأزم حياتى وكنت مستسلمه للحزن ده
انما دلوقت لأ
غصب عنى بتحصل حاجات كبيره
حتى الدراسه مش عارفه اركز وابداها
رغم انى مقضياها سفريات من اكتوبر للقاهره للعاشر لمعرفش فين وكل يوم فى شركه شكل وبعرف ناس غير الناس وبشوف اماكن جديده
وانا اساسا السفر وتغيير الوشوش بيغيروا مودى
بس بقى تغيير مؤقت بحسه ساعتها وبحاول اسعد نفسى لكن لسه اللون الرمادى مسيطر عليا
هحاول اخرج منه
وهحاول احكى واكتب الحاجات الكتير اللى حصلتلى الفتره اللى فاتت وماتكلمتش عنها
بس نفسى ربنا يغير اللون الرمادى عنى
مش عارفه هى كويسه ولا وحشه؟
بس غالبا هى مش كويسه
حالتى هى "مش عارفه"
حالة فيها كل ردودى على اسئلتى اللى مش بتبطل لنفسى
اجابتها "مش عارفه"
وأى اسئله اتسئلها من اى حد برضو ردها "مش عارفه"
بقيت مش فاهمه نفسى
او بالاصح فاهمه نفسى بس مش عارفه اتعامل معاها
جربت اسأل نفسى عايزة ايه؟ الاقينى معرفش
طيب هتموتى من ايه؟ الاقينى معرفش
طيب بتعملى اللى بتعمليه ليه؟ الاقينى معرفش
طيب بتحبى ايه؟ الاقينى معرفش
طيب نفسك فى ايه؟ الاقينى معرفش
عايشه حاله ضياع مش عاديه
مش حاسه لا بحاجه تفرح ولا حاجه تزعل
الدنيا عندى لونها رمادى ومفيش الوان تانيه
حاسه انى اشبه الصوره اللى فوق دى
انا موجوده من بره بس انما من جوه فاضيه ومافياش حاجه
من شهرين لما بدأت 2009 اخدت عهد على نفسى مش اسيب نفسى للحزن فعلا صدقت لانى الاول كنت بسيب حاجات صغيره تأزم حياتى وكنت مستسلمه للحزن ده
انما دلوقت لأ
غصب عنى بتحصل حاجات كبيره
حتى الدراسه مش عارفه اركز وابداها
رغم انى مقضياها سفريات من اكتوبر للقاهره للعاشر لمعرفش فين وكل يوم فى شركه شكل وبعرف ناس غير الناس وبشوف اماكن جديده
وانا اساسا السفر وتغيير الوشوش بيغيروا مودى
بس بقى تغيير مؤقت بحسه ساعتها وبحاول اسعد نفسى لكن لسه اللون الرمادى مسيطر عليا
هحاول اخرج منه
وهحاول احكى واكتب الحاجات الكتير اللى حصلتلى الفتره اللى فاتت وماتكلمتش عنها
بس نفسى ربنا يغير اللون الرمادى عنى
هناك 6 تعليقات:
هوي رشيده
ههههههههههههه
وش بيطلع لسانه
هههههههههههههه
وحشتيني يا رخمه يا بتاعت الرمادي
ربنا يخلي ايامك كلها ابيض في ابيض في ابيض وشويه روز كدا عشان تبقي حلوة ربنا يسعد ايامك ويبعد عنك التوهي دي ربنا يكرمك يا قلبي
خلي بالك من نفسك
سلامكوزاتي بقي
بسم الله الرحمن الرحيم
( ان الله لا يغير ما بقوم حتى يغيروا ما بانفسهم)
دى معناه انك لازم تسعى للتغير وتاخدى فيه خطواط ايجابيه ووقتها ربنا هقوم بنفسه بعمليه التغير ...ده موعود الله والله لا يغير وعده
انتى بتخرجى من الحزن خروج مؤقت علشان ترجعى له تانى
لحد الحزن ما اصبح هو خلفيتك والسعاده والاستقرار هم الاستثناء
وده غلط لازم الوضع يتقلب ويكون الحزن استثناء ومؤقت والخلفيه العريضه تكون هى السعاده والفرح والاستقرار
انتى قلتى فى ردك على تعليقى الى فات عندك انك راضيه
واضح انك مش عارفه ايه معنى الرضا
او فهماه غلط
فى فرق كبير بين الصبر وبين الصبر الجميل وبين الرضا
تلت درجات بينهم زى السما والارض
ومش هشرح الفرق دلوقتى
ربنا يهديلك قلبك وعقلك
تحياتى
بصي ياغريبه
انا حاسه كده انك دخله علي اكتئاب وبعد الشر عليكي منه بجد متحوليش تسيبي نفسك بجد كده عارفه ان صعب اقلك حاولي تخرجي من المود ده وانتي عايزه تخرجي بس مش بأيدك بس بجد نصيحه مني الدور ده وحش جدا ومتعب وحاولي تلحقي نفسك في الاول
ربنا يصلحلك الاحوال يارب
ان شاء الله فتره وهتعدي بس لازم تبقي اقوي من كده
والله مافي حاجه في الدنيا دي كلها تستاهل خاالص اهم حاجه نفسك وصحتك
متقلقنيش عليكي بقي الله يكرمك وعايزاكي تيجي تقولي انا فرحانه والكلام ده
حبيبة الروح
هوى بكار
مين سلامكوزاتى ده يابت؟
هو ده قريب توفيق؟
انا مش بتاعت الرمادى لو سمحتى
الرمادى هو اللى بتاعى :)
ممكن
تصدق صح انت اللى خلتنى اخد بالى ان الحزن بقى هو الطبيعى والفرح هو الاستثناء؟
مع انى مكنتش كده
وكنت شقيه وفريش وجامده
مش عارفه بقى ياممكن
طيب ومش شرحت الفرق ليه؟
كنت فيدنى بحاجه طيب احسن ماانت كده بتدخل هنا تعقدنى وتمشى P:
نورتنى ياممكن ووالله راضيه الحمد لله لكن والله فعلا مش عارفه ليه مودى بقى غريب كده وممكن ابقى حزينه من غير سبب ؟!
سمكه واحده
والله ياقلبى ماقاصده اقلق حد عليا
ولو كنت عارفه مالى كنت قلت لكن المشكله انى لسه برضو مش عارفه :)
عادى بقى ياشيخه سيبك انتى وهحاول افك من المود الهباب ده والدليل الجوع الفاحش اللى حاسه بيه دلوقت علشان كده هقوم اعمل بطاطس واكلها
اى خدمه :)
منورانى ياسكر والله
وبيوحشنى كلامك ياسكر
إرسال تعليق