عدى عليا يومين أغراب جدا أويمكن هما طبيعيين لكن أنا اللى علشان روحى صافية من تانى مستغرباهم.
رجعت زى الاول لكن مش قادره أحدد ده هروب من الواقع والمخزون لسه جوه وهيخرج كل شويه؟ ولا أنا خلاص صفيت ؟
بس مش مهم. المهم إن حصلتلى حاجات غريبة –زيى تشابه أسماء-
صحبتى فى الجامعه مقابلانى الصبح وبتقولى باستغراب قبل حتى صباح الخير "غريبة سمايلى يعنى؟!" أنا ضحكتلها وفى هزار قلت"بطلوا حقد بقى هو انتوا ماتحبوش تشوفوا حد مبسوط؟" قالتلى "لا..بس يمكن بقالى فتره ماشفتش وشك منور وبتضحكى.خليكى مبسوطة على طول بتبقى زى القمر وخصوصا بتبقى ستايل (; “
وبينى وبين نفسى استغربت هو أنا بيبقى شكلى وحش كده وأنا زعلانه؟
وفى نفس اليوم لقيت واحدة منتقبه بتنادى عليا ولما عرفتنى بنفسها لقيتها كانت زميلتى أيام اعدادى وبقالى حوالى 7 او 8 سنين ماشفتهاش وقالتلى"كبرتى واتغيرتى"
وضحكت للمره التانيه وفى هزار قلتلها "للاوحش طبعا آه يااختشى ماهو من عمايل الراجل وعياله فيا" ضحكت وقالتلى" لسه دمك خفيف.بقيتى أجمل"
وأما سألتها عنها قالتلى "عندى أسماء 3 سنين" أنا تنحت بصراحه وقلتلها "ماشاء الله وربنا يخليهالك" وأما سبتها فضلت أتخيل نفسى أم لبنت عمرها 3 سنين!..ياحلولى. ده أنا حاسه نفسى لسه عيله اصلا.
والموقف التالت تانى يوم لما دخلت اسلم على المعيده بتاعتى اللى بتربطنى بيها صداقه جامده لقيتها بتقولى" سبحان الله يابنتى بصى لنفسك فى المرايه وانتى مش هتكتأبى تانى..بلاش والنبى"
أنا عارفه إنى لما بحزن بشوف شكلى عجوز وملامحى بتتغير فعلا ولما ببقى فرحانه وإن كان من غير سبب بيكون شكلى حلو وبرجع لسنى الطبيعى وكتير لما ببقى ماشيه فى الشارع أو الجامعه ناس ماعرفهاش بتضحكلى كأنى فيا حاجة غلط.
نفسى بجد أفضل كده على طول علشان بحس إنى طايرة فى السما.
لكن برضه الامر مايخلاش من حاجة تخنقنى وتتعبنى وخلتنى فضلت ليله بطولها مش عارفه أنام
تفتكروا ليه الواحد يبقى بيحب حد ومهتم بيه وبيبقى عايز يطمن عليه ولما يسأل عليه يلاقيه مش مهتم وبيتكلم ببرود وكأن مش فارق معاه سؤالك ولا اهتمامك؟ و غبت عنه أو حضرت مش فارق كتير لا بيسأل ولا بيهتم ؟
وحتى لما تيجى تنبهه أو تلومه تلاقيه مش مدرك أساسا انه بيدايقك أو بيوجعك؟
رجعت زى الاول لكن مش قادره أحدد ده هروب من الواقع والمخزون لسه جوه وهيخرج كل شويه؟ ولا أنا خلاص صفيت ؟
بس مش مهم. المهم إن حصلتلى حاجات غريبة –زيى تشابه أسماء-
صحبتى فى الجامعه مقابلانى الصبح وبتقولى باستغراب قبل حتى صباح الخير "غريبة سمايلى يعنى؟!" أنا ضحكتلها وفى هزار قلت"بطلوا حقد بقى هو انتوا ماتحبوش تشوفوا حد مبسوط؟" قالتلى "لا..بس يمكن بقالى فتره ماشفتش وشك منور وبتضحكى.خليكى مبسوطة على طول بتبقى زى القمر وخصوصا بتبقى ستايل (; “
وبينى وبين نفسى استغربت هو أنا بيبقى شكلى وحش كده وأنا زعلانه؟
وفى نفس اليوم لقيت واحدة منتقبه بتنادى عليا ولما عرفتنى بنفسها لقيتها كانت زميلتى أيام اعدادى وبقالى حوالى 7 او 8 سنين ماشفتهاش وقالتلى"كبرتى واتغيرتى"
وضحكت للمره التانيه وفى هزار قلتلها "للاوحش طبعا آه يااختشى ماهو من عمايل الراجل وعياله فيا" ضحكت وقالتلى" لسه دمك خفيف.بقيتى أجمل"
وأما سألتها عنها قالتلى "عندى أسماء 3 سنين" أنا تنحت بصراحه وقلتلها "ماشاء الله وربنا يخليهالك" وأما سبتها فضلت أتخيل نفسى أم لبنت عمرها 3 سنين!..ياحلولى. ده أنا حاسه نفسى لسه عيله اصلا.
والموقف التالت تانى يوم لما دخلت اسلم على المعيده بتاعتى اللى بتربطنى بيها صداقه جامده لقيتها بتقولى" سبحان الله يابنتى بصى لنفسك فى المرايه وانتى مش هتكتأبى تانى..بلاش والنبى"
أنا عارفه إنى لما بحزن بشوف شكلى عجوز وملامحى بتتغير فعلا ولما ببقى فرحانه وإن كان من غير سبب بيكون شكلى حلو وبرجع لسنى الطبيعى وكتير لما ببقى ماشيه فى الشارع أو الجامعه ناس ماعرفهاش بتضحكلى كأنى فيا حاجة غلط.
نفسى بجد أفضل كده على طول علشان بحس إنى طايرة فى السما.
لكن برضه الامر مايخلاش من حاجة تخنقنى وتتعبنى وخلتنى فضلت ليله بطولها مش عارفه أنام
تفتكروا ليه الواحد يبقى بيحب حد ومهتم بيه وبيبقى عايز يطمن عليه ولما يسأل عليه يلاقيه مش مهتم وبيتكلم ببرود وكأن مش فارق معاه سؤالك ولا اهتمامك؟ و غبت عنه أو حضرت مش فارق كتير لا بيسأل ولا بيهتم ؟
وحتى لما تيجى تنبهه أو تلومه تلاقيه مش مدرك أساسا انه بيدايقك أو بيوجعك؟
ماهو أصل مفيش أصعب من إحساس انك كم مهمل عند حد غالى عليك.
هناك 10 تعليقات:
البوست ياستى جزئين
تعليقى على الجزىء الاول
ربنا يديم عليكى السعاده والفرح
وتمشى كدده فى الشارع والناس تضحك وتقول ايه البت الى بتضحك لوحدها دى لسعه دى ولا ايه؟؟؟؟
(وش وبيضحك)
الجزىء التانى من البوست وهو اخر سطر فى البوست
وتعليقى عليه
ان تمنحيه العطـاء بلا حدود وأنتى تدركين انه مصدر الضياع فى حياتك
فهو يغتال مشاعرك وأحاسيسك
ويهين وفائك وصدقك
ولا يتوانى فى استغلالك مدركا لحجم المساحه التى يحتلها فى قلبك
وعلى الرغم من انك تدركين ذلك فى اعماقك
إلا انكى تفضلين إغماض عينيك عن الحقيقه المؤلمه
فقط للاستمتاع بلحظات قربه او التفكير فيه
تحياتى
لا مش غريبه
وجهك وعنيكي الوحيدين اللي مش هتقدري تداري فيهم حالتك النفسيه فرحانه هتلاقيه مبتسم زعلانه هتلاقيه شاحب بتحبي هتلاقي عنيكي بتلمع ووشك احمر
ربنا يسعدك يا قلبي
وتبقي ديمن منورة وعسوله
وحشتيني اوي
حمدلله علي السلامه يا قمر
حمدلله علي السلامه وانتي مبسوطه وفرحانه
حمدلله علي السلامه وبجد بلاش ترجعي تاني لا مكشره ولا زعلانه
رغم اني مشفتكيش بس اه بيبقي شكلك وحش p:
اما تلاقي الناس بتعلق عليكي غالبا بيعلقو اكتر حاجه بالي بياثر فيهم فشوفي حزنك ماثر فيهم واخدو بالهم منه ازاي
ايوه ياستي اضحكي محدش واخد منها حاجه والله سيبك انتي مهما حزنا ومهما فكرنا هيحصل ايه هنتغم يعني ومش هيحصل غير اللي ربنا رايده
طب انتي اموره اهو ولما بتزعلي وشك بيبان عليه الحزن
امال الناس الوحشه اللي زي لما تزعل يحصلها ايه ده وشه يبقي زي الكوره الشراب بقه هههههه
فعلا تعرفي لما الواحد بيبقي فرحان بيقعد زي العبيط يبتسم للي يعرفه واللي ميعرفوش اي والله
بالنسبه بقي لموضوع اهتمام بشخص معين وهوده الاهم بتحصل كتير اوي وحركه بجد بضايق جدا جدا وخاصا لما بتهتمي بيه والشخص ده مش مهتم بس عادي اقصد لو حستي بعد الاهتمام اكتر من مره من راي ابعدي ومتهتميش مضيعيش حياتك في الاهتام لشخص ميستحقش انك تهتمي بيه
سواء صديقه او صديق او عامليه بعدم اهتمام او الطبيعي او الرد عليه بنفس الاسلوب
الله اعلم ده راي
بس سيبك انت مين ده اللي بندب في عنيه رصاصه ميهتمش بيك ياقمر مكلنا مهتمين بيكي اهو يا جميل
تحياتي سمكمك
momken
يضحكوا ويقولوا المجنونه اهى ياممكن؟
اوكى اوكى
هكذا تعرف الناس :)
الجزء التانى
بصراحه مش عارفه ياممكن
يمكن يكون كده ويمكن يكون البعيد تن تن تن :))
وممكن برضه يون مابيعرفش يعبر صح عن حبه للى حواليه
يعلم ربنا
منورنى دايما ياقمر
مبسوطه بوجودك وحياه ربنا ياشيخ
كـــيــــــــارا
اه والله ياكيارا صح جدا
انا اصلا مفضوحه فى كل حاجه ومش بعرف اخبى ومش عارفه دى ميزة ولا عيب؟
:)
حبيبة الروح
انتى كمان حبيببتى ووحشتينى واديكى عارفه كل حاجه
هحاول ابقى معاكوا دايما
ادعيلى
aya
انا شكلى بيبقى وحش
بتقولى كده من غير ماتشوفينى ؟
امال لو شفتينى بقى
والله هتبصمى بالعشره :))
عند حق والله ياتوتا لكن اعمل ايه المود بقى ربنا يظبطه من عنده
طمنينى بقى عليكى انتى
اخباراتك ايه دلوقت ياقمرى؟؟؟
سمكه واحده
:))
انتى مجرمه
بس عثل ومهضومه
يمكن عندك حق فى كلامك بس عايزة اقولك احيانا بتبقى متأكده ان الناس اللى انت مهتمه بيم يستاهلوا اهتمامك وده الل بيبقى مصبرك لانى بتلاقى نفسك معاهم لو بعدوا او قربوا غصب عن عين قلبك
انما الصعب بقى انهم يتعبوكىوانتى بتحبيهم
يلا ربنا يهون
منورنى ياقمر
إرسال تعليق