مش عارفه ليه حاسه إنى روحى بترجعلى تانى
وأخيرا ولو لشوية صغيرين هبعد عن مود الحزن
خرجت منه شويه علشان عملت البلوج دى برغم إن احساس بلوج جديد مش جديد عليا
بس المرادى حاسه انى مش مقيده
هعمل اللى أنا عايزاه
واقول اللى أنا عايزاة
وأجمل كلام يتقال
هو وصف البلوج اللى تحت عنوانها
واللى فى الصورة فوووووووووق
دلوقتى اقدر اقول
حاسة انى اتولدت من جديد ....... بس برضه
غريبة
هناك 24 تعليقًا:
فكرة اني اكون اول حد يعلق على اول بوست ف المدونة احساس حلو اوي كمان بالنسبه ليكي هايكون استبشار
زي ما اكون بافتتح البلوج كده
اتمنى توصلي للحاله اللي عملتي علشانها البلوج
احنا كمان يهمنا تخرجي عن الجو اللي معيشه نفسك فيه مع انك من اظرف الشخصيات اللي عرفتها
انا اكيد عرفتك او اتمنى يعني بس مش هاقول
هاسأل نادر
اكيد هايكون عارف
ولو مش عرف يبقى انا حمار ومش عرفتك لسه
بس معقول فيه حد لسه بيحط تأكيد الكلمة غيرك ياللي فاكرك انتي
على العموم الف مبروك البلوج ويارب دايما فرحانة
برافووووووووووو
شطور يا نادر
يووووووووه قصدى ياولو
لو سألت نادر اكيد قلبه دليله وهيقولك بس اوعى تسأل سوسن لانى مش عايزاها تعرف انى عملت بلوج جديد
ده خليه للى انا عايزاهم وبس :)
ربنا يخليك ياحاتم
لا انت مش ... انت اينشتاين :)
الله يبارك فيك
وماقلتليش ايه رايك فى الديزاين والدنيا وكده؟
وحياه يوسف عارف انتى مين
بس مش هقول
بس هسال شجره العنب وشجره الكافور
فاكراهم؟؟؟
اتمنى يكون الشغل اتوفقتى فيه
ومش غريبه ولا حاجه
ماغريب الا الشيطان
تحياتى
يا قمر لو خبيت عن الدنيا كلها مش هتحبي عني انا وانتي عارفه ليه يا حبيبت قلبي
وحشتيني وبجد كلماتك جميله ورقيقه جدا
DANCE as no one is watching U.. LOVE as You've never hurted before.. SING as no one can hear U.. LIVE as heaven is on earth
مبروك احساسك الجديد وميلادك الجديد يا غريبه
مي
مبروك المدونة الجديدة
ويارب تكون قدم السعد عليكي :)
أنا كمان حاسه اني محتاجة أعمل مدونة جديدة أكون فيها بحريتي
بس هل يا ترى مش هتعرف؟؟
برضو ايديا هتوديني عند الناس اللي اعرفهم وهيعرفوا اسلوبي لما يدخلوا عندي
فاهماني؟؟
انا مش عارفه هتتظبط ازاي دي
عارفه ايه الغريب في التدوين
اني بحس انه عالم من المجهولين
ولأن الأفكار بتعبر عن صاحبها
وكل ما كان صريح في عرض افكاره وميوله
كل ما اتعرف اكتر
وكل ما كونه مجهول زالت
يقوم يبدأ يخفف من كلامه الصريح
وده يضايقه ويحس انه مقيد في كلامه
يقوم يرجع يهرب تاني
ويحاول يكون مجهول تاني
ويعمل مدونة جديده
ويقول في نفسه هكون براحتي
ولما يتكلم بصراحه يتعرف
وهكذا
:))
رغيت كتير
بس الموضوع بجد محيرني
momken
طلعت اوت ياممكن للاسف
مش انا ومعرفش مين يوسف ده
بس فى كل الاحوال انا كنت متوقعه وماتعذبش نفسك مش مهم يمكن يجيلك وقت وتعرفنى
نورتنى ومبسوطه انك تانى حد يدخل بلوجى برغم انك ماعرفتنيش
نورت بيتى الصغير التانى لان الاولانى انت منوره على طول
مش كده ياممكن ياللى مش ممكن؟ :)
حبيبه الروح
مانتى حبيبتى
ازيك
ماانت قلتى اسيبلك اللينك قلت اروح اغلس عليكى احسن
وبعدين هو انا اقدر اخبى ؟
ده انا اساسا مفضوحه معاكى :)
متشكره اوى يامويا وربنا يخليكى ليا وادعيل انها تقدر تخرجنى من مودى لانى عملتهاعلشان افضفض
منورنى دايما ياعثل
ojg
اولا ربنا يكرمك ويخليكى يارب وربنا يفرح قلبك انتى كمان
مااعتقدش انها هتتظبط اصلا
بس عايزة اقولك على حاجة
انى ماسبتش مدونتى التانيه وماقدرش اسيبها لانى بحسها حته منى
كنى لجأت لدى لان التانيه كتير من اصحابى واهلى يعرفوا بيها وده بيخلينى مقيده ومش بكتب غير فى حاجات معينه وممكن ابقى محتاجه افرغ حزن او غضب ليها مش بقدر لانى بحس انها متراقبه وممكن اقول فيها حاجات هما مش يعرفوها
فاهمانى؟
انما لو على قد المدونين يبقى سهله
حكايه بقى تغيير الفكر والاسلوب وكده
اعتقد انا اسرع واحد ممكن تتعرف لان اسلوبى مختلف وعلشان كده مش هعلق بالاسم ده كتير خصوصا لان مدونتى التانيه مشهوره
على فكره انتى عسوله اوى :)
اسعدتينى بزيارتك
يارب الاقيكي هنا زي ماكنتي في الاول
وطاييره من الفرح اني من الناس الي انتي عايزاهم يكونو هنا
بس في سؤال هتفضلي بالنسبالي زي ماكنتي في الاول؟؟؟؟:))
اجابه السؤال ده عشان تعرفي اني عرفتك ؟
علي فكره احنا بنفكر نفس التفكير بس في حد بيسبق التاني مش الاخوات كده؟؟!!
من ثواني كنت بفكر في بلوج جديد محدش يعرفني فيه .
انتي مش غريبه يا الي مش غريبه اصلي مش هقول غريبه :)
aya
:)
قولى او ماتقوليش الاحباب ماتفرقش بينها الاسماء :)
ظروف تلاقينى هنا زى ماكنت هناك دى مش عارفاها بصراحه بس غالبا ناك يتظبط وهنالا لان هناك كنت كتير بنزل بوستات تموت من الضحك وانا حزينه يمكن مش لدرجة اليومين دول بس برضه
ودى عملتها علشان افضفض يعنى هنا هتشوفى "..." الحقيقيه من غير تغييرولا كلام من ورا القلب علشان افرح الناس وخلاص او اناقش قضيه شغلتنى
ادعيلى انتى بس
واوعى
اوعى
اوعى
تنفذى الفكره اللى تورادت افكارنا فيها من غير مااعرف
والنعمه اتخلى عن منصبى
انابحذرك اهه :)
يارب تكونى بخير دايما
عرفتك
عروستي
ههههههه
عموما مبروك علي النيولوك الجديد رغم اني معرفش القديم بس نتمني نعرف القديم والجديد ياستي
وكلامك واضح انك هتبدعي ومبدعه اصلا
ياله مستنين كل جديد
تحياتشي
سمكه الحشريه
ممكن الى مش ممكن حد واحد بس الى بيقولهالى
وبكده اكون عرفتك
اتمنى الجمله الرائعه الى فى بدايه البلوح تكون هى طابع المدونه دى تكون هى مودك ديماً
انا هاكون هنا وهناك باستمرار
ومش هقةل لحد انتى مين
تحياتى
سمكة واحدة
يالمضه
لا كده مش عرفتينى p:
احسن مبسوطه فيكى
وبعدين ابداع مين ماتستعجليش
ربنا يستر بقى :)
عروستى
momken
ايوة ممكن اللى مش ممكن
انا قلتها علشان اقرب عليك المسافات شويه واشوفك حافظ اسمك فى بيتى التانى ولا لا؟
شكرا لحفظ السر وزياده توكيد علشان تشوفنى انا ولا لا
انا اللى جيت قلتلك بوستك الاخير قلقنى عليك وحسسنى انى حسدتك وقريت عليك وطمنى فى الرد وانت قلتلى مبسوط انك رجعتى تهزرى تانى
ها.....انا اللى فى بالك؟
ولا طلعت اوت تانى؟
تحياتى ياممكن
وبرضه مبسوطه انك بتجيلى هنا لانك من الناس الغاليه عندى
:)
;)
الف مبروك البلوج الجديد
الف مبروك علي المدونة الجديدة
يا رب تكون المدونة جميله وتحمل معاني
طيبة وتخليكي ترتاحي لما تكوني فيها
تقبلي مروري
مجنووون
بما ان مش ينفع اكون اجازه و...... ظاهره بينيولوك
بس ماشي جيت اهو بس هلاقي غدا عندك ولا ال.... خلصووووووه
Hadota .. حـدوتة
حبيبى المكسل
ماتظهر وتبان بقى
الله يبارك فيكى
ومش عارفه ازاى عثرتى على اللينك مع انى مالحقتش اروح بيه عند كل الناس اللى عايزاها هنا :)
مـجـنـووون
الله يبارك فيك يارب
ربنا يكرمك
دمت بخير
كـــيــــــــارا
مش بقول سوسه
التعليق متأكتف اتكتب عندك غلط
ولو كنت هعلق بالام هعلق بيه مش متأكتف علشان مفيش حد يدخل عليه من الناس الل بيزوروكى
خبينى بقى ياسوسه
ههههههههههههههههه
تاويته يامعلمي :)
هههههههههههههههه
مش بقول عسل
قصدى عثل
:))
غريبة نورتي التدورني مين جديد
انا الصراحة معرفتكيش و اتوقع اننا فعلا معرفكيش
و لا انتي ايه رايك؟؟
المهم نورتي و يا رب فعلا تطلعي من مود الحزن
و اراك دائما سعيدة و فرحانة
الطالبة عفو الله
ربنا يكرمك ويفرح قلبك دايما كمان
مش عارفه بقى يعلم الله
فى كل الاحوال
نورتينى وفرحانه بزيارتك
إرسال تعليق