جايه اكتب بس لان البلوج وحشتنى اوى
حاسه انى بقالى 100 سنه ماكتبتش مش لانى بس ماكتبتش فيها لكن لانى كمان لاول مره بقعد اسبوع كامل من غير مااشوفها
سكنى بره البيت الفتره دى بالنسبالى غربه اوى مع انى الى حد كبير مرتاحه نفسيا الحمد لله
السكن مع عبير وان كان لايخلو من شويه شد خفيف بسبب مشاكل خارجه عن ارادتى وارادتها مابيوصلش ابدا لمرحله الزعل او الخصام ميزة كبيره حتى لو البعد عن البيت تعب
لاول مره بحس بيتنا بيوحشنى اوى كده
نفسى دلوقت اشوف ماما خالص
زعلانه اوى لانها كل ماتكلمنى تقولى هتنزلى امتى
هى اه مش بتقولى وحشتينى وانا اللى دايما اقولها ليها بس انا عارفه انى واحشاها زى ماهى واحشانى هى ومحمد اخويا مقصوف الرقبه
وحشنى النوم على سريرى
وحشتنى مرايتى ومكتبى وجهازى
وحشتنى اوضتى كلها
وحشنى اكل ماما :)
اه والله اصل اكل بره حتى لو اكلات بحبها بس برضو وحش جمب اكل ماما
مش ناسيه طعم محشى ورق العنب اللى اكلتهولى وانا عندها :)
وحشنى بيتنا بكل حاجه فيه حتى البلكونه اللى كنت بخرج اقعد فيها ساعه المغربيه
نفسى بقى المشروع يخلص
انا زعلانه اوى علشان اخويا كان عيان ومقدرتش اشوفه
انا كنت بقول على نفسى جامده واقدر اتحمل البعد عن البيت طلعت عيله اوى :(
يمكن مش مهون البعد عليا الا سكنى مع عبير لوحدنا بس برضو
يارب بقى اخلص يارب
انا تعبت
يارب ماتضيع تعبى يارب
هناك 10 تعليقات:
ربنا معاك ياقمر
وان شاء الله تخلصى و ترجعى تانى
بالتوفيق و النجاح ياجميلة
^^^
صحيح انا مش كنت على الجهاز
الجو حر و الواحد مش طايق اصلا يقعد فى مكان ):
ابقى طمنينى عليك
خالتي يا خالتي موش شايفه حاجه
ايه الكهربا الي ركبت المدونه دي
صلحيها الله يكرمك عشان اشوف هو انا ناقصه
سلاموز يا لوزة
ميمي زعلانه منك
طمنيني عليكي يا رخمه
هييييييييييييييه قريتو بطريقتي الخاصه
الا قوليلي
انتي قاعده فين
اوعي تكوني عندنا في المدينه
ومش اتصلتي بيا
اقسم بالله يا بت انتي لو كنتي هنا ومتصلتيش بيا هتكون حته زعله
وانتي متعرفنيش لما بغدر ببقي موش انا
عرفيني انتي فين
سلام
في ايه يابت
مال مدونتك مفيش حاجه باينه
مهمبهه ايه انتي عليها يا بنتي
صلحيها عشان اشوف ايه اللي عماله تلوكي فيه ده؟
ياله بسرعه
بسرعه
يوه انتي لسه واقفه!!!!!!
ياربي ايه ده؟ الحمد لله انا مش لوحدي اللي مش شايفه حاجه خضيتيني يا شيخه افتكرته فايروس و لا حاجه
ربنا يكون في عونك انا لما ماما بتروح تبات في بيت خالتي مثلا ببقى مش طايقه البيت
على فكره انا خلاص مش زعلانه عشان فهمت وضعك
يلا سلام و ربنا يكون في عونك مره تانيه
سويتى
اظن كده اطمنتى ياختى
ايه خلاص حسيت ان التعليق مخرج حر من كلامك
قومى شغلى تكييف ولا مروحه وبطلى وجع دماغ
ايه الناس دى ؟! p:
فتاه
ازيك يامويا
يادى النيله الدنيا كلها عرفت ان ميمى زعلانه
والله مااقدر على زعل ميمى اصلها حبيبتى اوى والله بس هى عبيطه وماتعرفش واتسرعت فى الحكم من غير ماتعرف الظروف
كهربا ايه بقى؟؟!!!!!!!!!1
انا سايبه البلوج بخير
انتوا عملتوا ايه فيها ياكلاااااب P:
اه نسيت اقولك
دلوقت عرفتى انى مش عندك واطمنتى؟.
هو انا لو عندك مكنتش هقولك يامجنونه
؟
سمكمك
وحشتنى لماضتك يامضروبه
عامله ايه ياسمكمك
اصلح ايه بس انا مش عارفه انتوا بتتكلموا عن ايه البلوج زى الفل اهو تحت ايدى :)
وبعدين ايه الوك دى؟
روحى اقرى البوست من صفحه التعليقات اجرى واتصرفى زى اللى اتصرفوا
اما ناس غريبه صحيح
ميمى
ماتقدريش تزعلى منى اصلا علشان بتحبينى صح؟
شفتى واثقه من نفسى ازاى :)
روحى بقى صلحى النت بتاعكعلشان اقدر اتكلم معاكى
منورانى ياسكرررررر
إرسال تعليق