انا عارفه إن مودى غريب وإن مزاجى بيتقلب بسرعه بس المشكلة انى مش سهل ادخل فى دور نكد لانى بطبيعتى بحب اكون مرحه واضحك واهزر.
بس حاجات كتيره ممكن تحصلى فى نفس الوقت ممكن تبقى صغيره وناس كتير ماتشوفهاش لكن تأثر فيا أوى وتتعبنى.
أنا عارفه إنى أيام الامتحانات ببقى منعزلة أوى وتقريبا مش بكلم حد من البيت خالص الا للضرورة وكلامى فى الجامعة بيبقى محدود لكن ده بتبقى حاله غريبه كده عندى غصب عنى بدخل فيها.
أوقات كتير الاقينى مش بالعه كلام حد واوقات الاقينى ببلع الزلط وكله من غير اسباب واضحة.
اليومين دول مش عارفه مالى مودى بيتغير فى اليوم الواحد 100 مره.
اى حاجة حلوة كفيله انها تخرجنى من حزنى وأى حاجة وحشة كفيله إنها ترجعنى للحزن تانى.
ممكن افضل طول اليوم اضحك وابقى مصدر راحة لكل اللى معايا ومره واحده على حاجة عبيطة اقلب واتغم واعيط كتير.
لاول مرة بحس إنى مش عايزة اكتب فى مدونتى مع إنى عندى حاجات كتير عايزة اقولها لكن القلم مش مطاوعنى حتى ممكن افتح الجهاز ومش افتحها.
بقيت حاسه بالذنب ناحية مدونتى والله بس بحاول ارجع هنا علشان ارتاح شويه.
المرة اللى فاتت كنت فى حالة يرثى لها بجد
وكنت حاسه انى مش مفروض انتقد فيلم خيانه مشروعة لان فعلا الامان اتعدم.
بدأت احس إن اخلاصى للى حواليا ذنب برتكبه فى حق نفسى.
معرفش بقى وأنا اسفه لحالاتى الغريبه بس هحاول اتعدل لكن مش بلاقى غير حضن مدونتى دى علشان اقول فيه اللى مش بقدر اقوله لاقرب الناس ليا.
هناك 6 تعليقات:
احجز اول تعليق ممكن؟
بصي ياغريبه الاول
الحمد الله انك بخير دي اهم حاجه
ثانيا
عارفه والله انها حاجه غصب عنك وسعات كتير اي حد بيمر فيها بس الشاطر اللي يحاول ميستمرش فيها دي بتبقي حاجه كده بتعدي علي كل الاناسين اللي في الدنيا واكيد انتي بتبقي عارفه جزء من السبب او عارفه ايه اللي بيضيقك
بجد حاولي تغيري جو انا بنصحك وبنصح نفسي معاكي حاولي تبعدي شويه عن صحابك
اشغلي نفسك اتفألي ان شاء الله الجي احلي
عارفه انا لما ببقي زيك كده وزهقانه والحاله صعب لاني والله زيك حاجه صغيره بتفرحني وحاجه تانيه بتغمني
بقعد اقول لنفسي انا مش زهقانه انا مش زهقانه ايه يعني هيحصل ايه طظ في كل حاجه وابص للمرايا وابتسم اه والله دي قرتها قبل كده في علم النفس بعد ما بتعملي طبعا كل الحجات الجميله تبعتنا انك تصلي ركعتين قضاء حاجه وتقري قرأن وتستغفري كتير اوي طول منتي ماشيه وانتي في كل مكان بجد واعملي شويه رياضه وان شالله يا شيخه ارقصي وهزري وانتي مخنوقه هتفرق بجد وديما اقنعي عقلك الباطن انك مش مضايقه غظيه كده علي عينه
انا عن نفسي بحب اركب اي حاجه اومشي كتير عارفه سعات باخد الترام رايح جي من اول محطه لاخر محطه وارجع بيه تاني واقعد ابص من الشباك بس
وطبعا الاكتر منه لو متوفره ليا دي القطاااار ياسلام واسافر وانا ساكته بردو والله مره سفرت فيه ورجعت في نفس اليوم اتحججت اني رايحه عند تيته اجيب حجات مهمه
اي موصله بحبها والسوبر جيت بس محدش غتيت يقعد جمبي
شوفي بقي لو حصان ياه ياه
هههههه
يعني شوفي كل واحد ليه حاجه معينه بيعملها ممكن يخرج من المود ده متستسلميش وهدعيلك حاضر والله ياجميل
ديما طمنيني عليكي
غريبـــــه
في حياتنا الكثير من الوجوه ؛؛ و في قلوبنا الكثيرمن الأحاسيس
و لكل وجه في داخلنا
إحساس و حكايه ومعنى وقصة؛؛
هناك قلوب تحكمنا وهناك قلوب نحكمها
هناك صدق؛؛ وهناك؛؛ زيف وخداع؛؛ وهناك تفاؤل وهناك أمل
وما اضيق العيش لولا فسحة الأمل ؛؛
وهناك رموز؛؛ نحبها ونحترمها؛؛ وهناك رموز تحترمنا وتحبنا
ودورنا المهم هو عمل الموازنه بين جميع النمازج
ونعمل على الا نصل ابداً الى زروة الاحساس الموجب او السالب
وان نعيش فى فسحه بين جميه الاحاسيس
تحياتى
عارفه انك بتتكلمي عني
هو مش غريب بس اضطراب
ربنا معاكي ياثكره
عااااااااااااااااااااااااااااا
والله هتتعضي بقي المرة دي
ليه بس يا قطتي
انا عارفه ايه اكتر حاجه بتروقك يا جميل
هو بس يخربيت الميزانيه المبهدله
بس والنبي لشحت رصيد واكلمك يا قمري
وانتي عارفه بقي
مدام انا اتكلمت يبقي هنهيس كالعاده
هههههههههههههههههههههههههه
والله وحشتيني جدا يا غوريبه
وحشتيني جدا جدا جدا جدا جدا
وحشني الكلام معاكي
وبجد نفسي اتكلم معاكي
ده انا حصلتلي حاجات وعملت حاجات
اوعي اوعي اوعي
مش تقوليلي افلح ده انا زرعت الصحرا يا بنتي
ههههههههههههههههههه
وحشتيني
هحاول اكلمك في اقرب وقت
بحبك اوي
واخرجي بقي من المود النيله ده بدل ما
انتي عارفه
هه
امواااااااااااااااااااااااااااااااة
صحيح فين الربع جنيه المخروم بتاع اول تعليق
مليش دعوه عايزة ربع جنيه مخروم
عااااااااااااااااااااااااا
علي الله ملقيهوش لما اجي تاني
سلام بقي
اموااااااااااااااااااة بردو
إرسال تعليق