مش حاجه غريبه فعلا ان يبقى الواحد عايش فى بيت واحد مع شويه ناس وغالبا مايعرفوش عن طبيعة شخصيته حاجه؟!
او يعرفوا لكن حاجات مش اكتر من اللى اى حد قريب منه بس مش عايش معاه فى بيت واحد عارفها!
هو كده يبقى العيب فى ايه او السبب ايه؟
هل هو وجود اكتر من وجه او بمعنى اصح اكتر من شخصيه لنفس البنى ادم
ولا انهم هما اللى عايشين فى عالم اخر وكل واحد مشغول بحاجات تانيه؟!
فى كل الاحوال احساس وحش اوى ان اكتر حد عشت معاه يبقى مش عارف حقيقتك ويشكك فى حاجات نضيفه اوى ممكن تبقى قادر تعملها وهو شايف انك مستحيل تعملها
ساعتها اما تسكت وانت مصدوم
او تتكلم وتقول طيب سيب الافكار دى لحد مايعرفنيش !!!!!!
هناك 4 تعليقات:
بصي انا اكتشفت فعلا ان في جوانب في البني ادم حتى اهله و اللي ساكنين معاه تحت سقف واحد مش يعرفوها عنه
بس بالمجمل طبعا الواحد اللي بيبقى قاعد في نفس البيت مع حد وبعد عشرة كم سنه بيبقى بيعرف اللي قدامه
هو بس احيانا الدنيا بتبقى واخدكي و بتبقى مش مركزه و بتتصرفي بطريقه بتحسس اللي قدامك انك مش تعرفي عنه حاجه
في الوقت ده و بالظروف اللي اغلب الناس عايشينها بعتقد ان لو كنت في مكانك و حد عمل معايا كده حتكون احسن حاجهاني التمس له العذر...مين يعرف بيفكر ازاي و عذره ايه
ميمى
يمكن يكون عندك حق بس رجعت الموضوع ده مش للمشغوليات وملهيات الدنيا انما لازدواجيه البنى ادم
او بمعنى اصح ممكن لاننا بنعيش بأكتر من شخصيه يعنى انتى مثلا لو بصيتى لنفسك هتلاقيكى فى البيت بشكل وفى الشغل بطريقه تانيه ومبادئ تانيه ووانتى اخت بتفكرى بطريقه ووانتى صديقه ووانتى فى الشارع و..و00و00
وهكذا
وده ممكن يخلى اللى عايشين معاكى فى البيت مايعرفوش عنك غير البنت اللى عايشه معاهم وبس انما مادون ذلك معندهمش علم بيه
كل سنة وانتى طيبه ياميمى وماتاخديش فى بالك دى هلوسة:)
متهيالي علشان انت عايشه جوه نفسك قوي ده واضح من كلامك بس انت لو حاولتي تخرجي بره نفسك وتتقربي منهم يمكن تلاقي اللي بدوري عليه
فيه اهالي كتيره مش بتعرف تعبر عن مشاعرهاولا حبها بس اكيد هما بيهتموا بيك بس بطريقتهم
اجبريهم انت علي التعامل بطريفتك وخليهم يحسوا بيك
semsema
جديده حكايه عايشه جوه نفسى دى
فعلا تصدقى ممكن
انا مشكلتى انى اوقات ببقى فاهمه نفسى عارفه وفاهمه كل حاجه وفى الاخر بكتشف انى معرفش اى حاجه
وجهة نظر حضرتك تحترم جدا وانا معاكى فى حكايه ان فى اباء كتير مابيعرفوش يعبروا عن مشاعرهم بس هى مش ميزة بصراحه رغم انهم ممكن يكونوا مقتنعين بعكس كده !!
على اى حال اسعدنى وجودك ياافندم وكنت اتمنى اعرف مين؟ :)
إرسال تعليق